Kəndlilər

Hadisələr 1930-cu illərin əvvəllərində sovet kəndlərinin birində cərəyan edir. «Lebajyi qorki» kolxozunda çalışan heyvandarlıq işçisi Gerasim kənardan kolxoz quruculuğunun ən fəal tərəfdarı kimi görünür. Əslində isə o, yem çatışmazlığını bilə-bilə donuzların sayını kəskin artıraraq təsərrüfatı çökdürməyi hədəfləyir.

Gizli qolçomaq maraqlarını pərdələmək istəyən Gerasimin bu canfəşanlığı gözlənilməz faciəyə səbəb olur. Həqiqi niyyətindən xəbər tutan həyat yoldaşını ifşa olunmaq qorxusu ilə qətlə yetirir. Cinayətlər bununla bitmir və növbəti hədəf yerli siyasi şöbənin rəisi olur.

«Kəndlilər» bədii filmi 1935-ci ildə SSRİ-də lentə alınıb. Dram janrında olan filmin quruluşçu rejissoru Fridrix Ermlerdir. Baş rolları Yelena Yunqer, Boris Poslavski, Aleksey Petrov və Yekaterina Korçaqina-Aleksandrovskaya canlandırıb.