Devdas

Varlı mülkədarın oğlu Devdas uşaqlıqdan bir yerdə böyüdüyü yoxsul qonşu qızı Parvatiyə aşiqdir. Lakin cəmiyyətdəki kasta fərqi və sosial bərabərsizlik gənclərin qovuşmasına imkan vermir. Ailəsi gənc oğlanı təhsil almaq üçün Kəlkətəyə göndərir.

Devdas uzaqda olduğu müddətdə Parvatinin valideynləri onu yaşlı və varlı bir dul kişiyə ərə verirlər. Qız böyüklərin bu istəyinə boyun əymək məcburiyyətində qalır. Sevgilisinin ərə getdiyini öyrənən kədərli gənc təsəllini alkoqolda tapmağa çalışır.

Hindistan istehsalı olan «Devdas» filmi 1936-cı ildə ekranlara çıxıb. Melodram janrındakı bu dramatik ekran əsərinin rejissoru P.H. Barua, baş rol ifaçıları isə K.L. Sayqal, A. Şor, Pahadi Sanyal və Krişna Çandra Deydir.