Axtarış

Gənc memar Severin Sereda atasının ağır xəstələnməsi barədə gözlənilmədən bir teleqram alır. Lakin o, heç yerə getmək fikrində deyil. Sevgilisi Jenya bu cür soyuqqanlı münasibətdən qəzəblənsə də, Severin hər şeyi izah edir: o, vaxtilə dünyasını dəyişən anasına onları atıb getmiş atası ilə heç vaxt görüşməyəcəyinə dair söz verib.

Buna baxmayaraq, Jenya Severini fikrindən daşındırmağı və onu yola çıxmağa razı salmağı bacarır. Memar səfərə yollanır, lakin artıq gecikir. O, mənzil başına çatanda atası artıq həyatda deyildi.

«Poisk» («Axtarış») adlı dram filmi 1968-ci ildə SSRİ-də rejissorlar Yevgeni Xrinyuk və Konstantin Juk tərəfindən lentə alınıb. Baş rolları Vladimir Koretski, Lyudmila Çerepanova, Raisa Kurkina və Lev Prıqunov canlandırıblar.