Waris

Hökmdar atası ilə mübahisə edən gənc şahzadə sarayı tərk edir. İllər ötür və ömrünün sonuna çatan kral əyanlarına qaçqın oğlunu tapmağı tapşırır. Hökmdarın son istəyinə əsasən, həqiqi vəliəhd təkcə taxta sahib çıxmamalı, həm də baş vəzirin qızı ilə evlənməlidir.

Çox keçmədən saraya üç gənc gəlir və hər biri kralın oğlu olduğunu iddia edir. Əyanlar yalançıları aşkar etmək məqsədilə namizədləri müxtəlif sınaqlardan keçirirlər. Lakin iddiaçıların hər biri bu çətin tapşırıqların öhdəsindən uğurla gəlir və nəticədə əsil şahzadənin kim olduğunu anlamaq saray əhli üçün böyük bir tapmacaya çevrilir.

Hindistan istehsalı olan «Waris» komediya-dram filmi 1969-cu ildə çəkilib. Ekran əsərinin rejissoru Ramannadır, baş rolları isə Citendra, Hema Malini, Prem Çopra və Mehmud canlandırıblar.