Sahil

Qıza hücum edən bir səfilin təsadüfən ölümünə səbəb olan Kamal ədalət məhkəməsindən qaçaraq Bombey yaxınlığındakı kəndlərin birində gizlənir. Gənc oğlan burada yerli mülkədarn qızı Nilunu xuliqanların hücumundan xilas edir. Qızın atası onun bu cəsarətini yüksək qiymətləndirərək Kamala öz malikanəsində idarəçi işləməyi təklif edir.

Çox keçmədən Kamal ilə Nilu arasında qarşılıqlı sevgi hissləri yaranır. Lakin onların bu yaxınlaşması Niluya gizlicə aşiq olan yerli nəzarətçi Puranın qısqanclığına səbəb olur. Rəqibinin peyda olması Puranı narahat etməyə başlayır.

1963-cü il istehsalı olan Hindistan melodram filmi «Kinare Kinare» rejissor Çetan Anand tərəfindən lentə alınıb. Baş rolları Dev Anand, Mina Kumari, Çetan Anand və Kammo canlandırıb.