Kavi Kalidas

Sadəlövh brahman Kali aşağı təbəqədən olan Puşpavali adlı qıza vurulur. Ögey ana bu sevgini öyrənən kimi gənci evdən qovur və sevgililər kəndi tərk etməli olurlar. Tezliklə Puşpavali yalnız ağlı ilə onu üstələyən şəxslə evlənəcəyinə and içmiş təkəbbürlü şahzadə Vidyotmanın yanında xidmətçi kimi işə düzəlir.

Elçiləri mütəmadi alçaldan şahzadəyə dərs vermək istəyən bir müdrik, savadsız Kalini bu işə cəlb edir. Həmin müdrikin gizli köməyi sayəsində gənc oğlan intellektual yarışda Vidyotmanı məğlub edir və qız məcburən onunla evlənir. Lakin toydan dərhal sonra hiylənin üstü açılır; hiddətlənən şahzadə ərini təhqir edir və bu hadisə Kalinin həyat yolunu büsbütün dəyişməsinə təkan verir.

«Kavi Kalidas» adlı Hindistan musiqili dram filmi 1959-cu ildə işıq üzü görüb. Ekran əsərinin quruluşçu rejissoru S. Tripatidir. Baş rolları Bharat Bhuşan, Nirupa Roy, Anita Quha və D.K. Sapru canlandırıblar.