Cinayətkar

Növbəti qarətdən sonra təqib edilən cinayətkar Şankar gizlənmək üçün rəqqasə Umanın qrim otağına sığınır. Burada o, teatr rəhbərliyi ilə qızın söhbətinə qulaq müsafiri olur və onların dramaturq Anandı gözlədiklərini öyrənir. Qadının yazıçını heç vaxt görmədiyini anlayan Şankar yaxalandığı an özünü həmin ədib kimi qələmə verir.

Əsl Anand isə ağır xəstəlik səbəbindən son günlərini yaşayır. Can verən gəncin ona çox bənzədiyini görən Şankar əvvəlcə onu aradan götürmək istəsə də, fikrindən daşınaraq həkim çağırır və yazıçı vərəmdən ölür. Oğurladığı daş-qaşı mərhumun yanına qoyan Şankar Umaya bəslədiyi hisslər naminə dürüst yola qədəm qoymaq niyyətinə düşür. Lakin peşəkar yaddaşına güvənən qətiyyətli polis müfəttişi və həqiqi Anandın nişanlı olması onun bütün planlarını təhlükə altına alır.

Hindistan istehsalı olan «Cinayətkar» filmi 1958-ci ildə rejissor O.P. Ralhan tərəfindən çəkilib. Ekran əsərinin baş rollarını Şammi Kapur, Raqini, Şobha Xote və Kamal Kapur canlandırıblar.