Satin

Las-Veqasda çıxış edən müğənni Cek Satin nə iş, nə pul, nə də şöhrət qazana bilir. Küçədə qaldıqdan sonra bəxtini Atlantik-Sitidə sınamaq qərarına gəlir və köhnə avtomobili ilə yola düzəlir. Lakin maşını qəflətən səhranın ortasında, Lost-Sprinqs adlı kiçik bir qəsəbənin yaxınlığında xarab olur.

Orada Cek keçmiş caz əfsanəsi olan və indi mexanik işləyən Dok Bişop ilə rastlaşır. Usta maşını təmir edərkən Cek bu gözdən uzaq yerdə ləngimək istəmir, amma yerli barın sahibi Loren ilə tanışlıq onun fikirlərinə təsir edir.

ABŞ istehsalı olan musiqili komediya və dram filmi «Satin» 2011-ci ildə rejissor Kristofer Olness tərəfindən çəkilib. Ekran əsərində əsas obrazları Hemilton fon Uotts, Melissa Coan Hart, Maykl Kudlits və Robert Qiyom canlandırıblar.