Duel

Hadisələr 1896-cı ildə ucqar bir qarnizon şəhərciyində cərəyan edir. Burada yerləşən alayın zabitləri vaxtlarını içki içməklə və mənasız söhbətlərlə keçirir, ümumi durğunluq və mənəvi böhran içində sıxılırlar. Belə bir mühitdə gənc podporuçik Romaşov kapitanın həyat yoldaşı Şuroçkaya qarşı hisslər bəsləməyə başlayır.

Zabit ilə evli qadın arasındakı bu yaxınlıq qarnizon əhlinin dilinə düşür və geniş dedi-qodulara səbəb olur. Söz-söhbətlər gərginliyi getdikcə artırır. Nəticədə kapitanla podporuçik arasında ciddi münaqişə baş qaldırır və bu qarşıdurma tərəflər üçün təhlükəli həddə çatır.

Sovet istehsalı olan «Duel» («Poyedinok») dram filmi 1957-ci ildə ekranlara çıxıb. Ekran əsərinin rejissoru Vladimir Petrovdur. Əsas rolları Yuri Puzıryov, Yevgeni Yevstiqneyev, Andrey Popov və Nikolay Komissarov canlandırıblar.