Mr. Bechara

Rayon xəstəxanasının həkimləri ölümcül vəziyyətdə olan gənc Aşanı xilas etməyi bacarırlar. Özünə gələn qız keçmişinə aid heç bir şeyi xatırlamır və yaddaşsızlıqdan əziyyət çəkir. Xəstəyə psixoloji dəstək vermək istəyən həkim tanışı Ananda müraciət edərək ondan qızın əri rolunu oynamağı xahiş edir. Həyat yoldaşını yenicə itirmiş Anand isə on aylıq körpəsi ilə tək qalıb.

Nəticədə Aşa xəstəxanadan birbaşa bu ailəyə gəlir və onları öz doğmaları hesab edir. Günlər keçdikcə gənclər bir-birlərinin xasiyyətinə alışırlar və evin qayğılarını bölüşürlər. Lakin bir müddət sonra qızın unutduğu keçmişi qəfildən üzə çıxaraq hər kəsin rahatlığını pozur.

1996-cı ildə Hindistanda istehsal olunmuş «Mr. Bechara» bədii filmi komediya və dram janrlarını birləşdirir. Ekran əsərinin quruluşçu rejissoru K. Bhaqyaracadır. Əsas obrazları Anil Kapur, Şridevi, Nakarcona Akkineni və Hira Racqopal canlandırıblar.