Rəqibə

Universitet müəllimi Çarli Törber fakültədə daimi iş yeri əldə etməyə çalışır. Lakin onun vəziyyəti heç də ürəkaçan deyil: həmkarları ilə münasibətləri yaxşı getmir və indiyədək heç bir elmi məqalə dərc etdirə bilməyib. Qar adamı axtarışı sevdasına düşərək öz akademik karyerasını puç edən ən yaxın dostu isə Çarlini bu hədəf uğrunda tələsməyə vadar edir.

Yoldaşının təkidinə qulaq asan professor sona qədər mübarizə aparmaq qərarına gəlir. Lakin kafedraya yeni bir əməkdaş təyin olunur və Çarlinin əsas rəqibinə çevrilir. Nəticədə o, zəif şanslarına baxmayaraq, tək bir vəzifə uğrunda yeni gələn həmkarı ilə çətin bir rəqabətə girməli olur.

2009-cu ildə ABŞ-da istehsal olunmuş «Tenure» komediya-dram janrındadır. Ekran əsərinin rejissoru Mayk Miliondur, əsas rolları isə Lyuk Uilson, Qretxen Mol, Devid Kokner və Saşa Aleksander ifa ediblər.