Clemency

Bernadin Uilyams həbsxana rəisi vəzifəsində çalışır və illərdir ölüm hökmlərinin icrasına rəhbərlik edir. Bir-birinin ardınca reallaşan edamlar tədricən onun çiynində ağır bir yükə çevrilir.

Növbəti məhkumun ölüm cəzasını gözləməsi vəziyyəti daha da mürəkkəbləşdirir. Onunla qurduğu ünsiyyət fonunda Uilyams uzun müddətdir gördüyü işin öz emosional və psixi sağlamlığına necə mənfi təsir göstərdiyini anlamağa başlayır.

ABŞ istehsalı olan bu dram filmi rejissor Çinonye Çukvu tərəfindən lentə alınıb. 2019-cu ildə təqdim edilən «Clemency» ekran əsərində baş rolları Elfri Vudard, Riçard Şiff, Eldis Hoc və Vendell Pirs canlandırıb.