Üçüncü variant

Moskvaətrafı kiçik bir teatrın kollektivi Çexovun «Albalı bağı» pyesinin premyerasına hazırlaşır. Lakin şəhər rəhbərliyi teatrın yerləşdiyi binanı və ətrafdakı yaşıllıq ərazisini onların əlindən almaq niyyətindədir. Quruluşçu rejissor Yeqor Movçun və aktyorlar gərginlik içində qalsalar da, kollektivin rəğbətini qazanmış direktor Serafima hamını sakitləşdirməyə və binanı qorumağa çalışır.

Serafima iclasa qatılaraq məsələni müsbət həll edəcəyinə söz verir və bunun qarşılığında Yeqordan onu Moskvaya, «Nord-Ost» tamaşasına buraxmasını xahiş edir. Şəhərə gələn paytaxt məmurunun dəstəyi sayəsində bina teatrın sərəncamında qalır. Lakin axşam saatlarında teatra gələn Çerepaxin adlı daimi tamaşaçı Moskvadakı teatr mərkəzinin terrorçular tərəfindən girov götürüldüyünü xəbər verir və hamı Serafimanın həmin binada olduğunu anlayır.

2003-cü ildə çəkilmiş «Üçüncü variant» dram filminin rejissoru Konstantin Xudyakovdur. Ekran əsərində baş rolları Sergey Çonişvili, Oksana Fandera, İqor Kvaşa və Sergey Makovetski ifa ediblər.