110

Şəhərin tanınmış vəkili ilə böyüməkdə olan qızı Alisa arasındakı gərgin münasibətlər qəfil baş verən bədbəxt hadisə ilə daha da dərinləşir. Qızın sinif yoldaşı intihar edir və bu hadisənin səbəbi bəlli olsa da, məktəb rəhbərliyi həqiqəti gizlətməyə çalışır. Çünki məsələnin ictimailəşməsi bir çox nüfuzlu şəxs üçün arzuolunmaz nəticələr doğura bilər.

Özünü günahkar bilən Alisa dərin sarsıntı keçirərək danışmaq qabiliyyətini itirir. Hadisənin araşdırılması isə getdikcə təhlükəli xarakter alır. Belə bir vəziyyətdə ana özü üçün həyatda əslində nəyin daha vacib olduğuna dair çətin bir qərar vermək məcburiyyətində qalır.

«110» adlı Rusiya istehsalı olan dram filmi 2023-cü ildə rejissor İlya Mixeyev tərəfindən lentə alınıb. Baş rolları Yelizaveta Boyarskaya, Polina Tsqanova, Dmitri Lısenkov və Aleksey Rozin canlandırıblar.