Sibyl

Təcrübəli psixoterapevt Sibil çoxdankı arzusunu gerçəkləşdirmək və kitab yazmaq üçün seanslarını dayandırmaq qərarına gəlir. Məhz yaradıcılıq axtarışında olduğu bir vaxtda onun yanına dəstək və kömək istəyən gənc aktrisa Marqo müraciət edir. Yeni pasiyentin etirafları qadın üçün axtardığı ilham mənbəyinə çevrilir.

Sibil gənc qızın təlatümlü hekayəsinə getdikcə daha dərindən bağlanır və eşitdiklərini romanının mərkəzinə qoyur. Başqasının sirli həyatına aludə olan qadın peşəkar sərhədləri aşır və bu vəziyyət onun şəxsi dünyasını tamamilə alt-üst edir.

«Sibyl» adlı dramatik triller filmini fransız rejissoru Jüstin Triye çəkib. Fransa və Belçikanın birgə istehsalı olan bu ekran işi 2019-cu ildə işıq üzü görüb. Əsas rolları Virjini Efira, Adel Ekzarkopulos, Qaspar Ulyel və Sandra Hüller canlandırıblar.