Teddi

Teddi adlı əyalət gənci spirtli içkidən əl çəkmiş əmisi və xəstə, yaşlı xalası ilə birlikdə qalır. Masaj salonunda çalışan bu oğlan gələcəkdə məktəbli sevgilisi Rebekka ilə birlikdə yaşamaq üçün ev tikməyi arzulayır.

Ətrafdakı örüşlərdə naməlum məxluq tərəfindən parçalanmış mal-qara tapıldıqda kəndin sakitliyi pozulur. Çox keçmədən Teddi özü də vəhşi bir heyvanın hücumuna məruz qalır və bu hadisədən sonra daxilində qorxunc dəyişikliklər hiss etməyə başlayır.

2020-ci il istehsalı olan Fransa filmi «Teddy» dram, komediya və qorxu janrlarını birləşdirir. Ekran əsərinin rejissorları Lüdovik Bukerma və Zoran Bukermadır, baş rollarda isə Antoni Bajon, Kristin Qotye və Lüdovik Torran çəkilib.