Missis Dautfayr

Deniel Hillardın həyatı qısa müddətdə alt-üst olur. İşini itirən kişi eyni zamanda boşanma zərbəsi ilə üzləşir. Məhkəmə qərarına əsasən, onun öz övladlarını yalnız həftədə bir dəfə görmək hüququ var və bu vəziyyət atanı qətiyyən qane etmir.

Uşaqlarının yanında olmaq üçün Deniel ağlasığmaz bir addım atır. O, qadın geyimləri və qrim sayəsində yaşlı dayə missis Dautfayra çevrilərək keçmiş arvadının evinə işə düzəlir. Hər gün ailəsi ilə vaxt keçirən qəhrəman bu sirri qorumaq üçün gözlənilməz çətinliklərlə qarşılaşır.

«Mrs. Doubtfire» komediya filmi 1993-cü ildə ABŞ-da rejissor Kris Kolambus tərəfindən lentə alınıb. Ekran əsərində baş rolları Robin Uilyams, Salli Fild, Pirs Brosnan və Harvi Fayerstin canlandırıblar.