Muza

Üçillik fasilədən sonra violonçel ifaçısı Eduard yenidən dinləyicilərin qarşısına çıxır. Keçirdiyi ağır psixoloji sarsıntı və ruhi pozuntudan sonra baş tutan bu çıxış musiqiçi üçün asan sınaq deyil. Lakin zaldakı tamaşaçılar arasında Svetlananın əyləşməsi onun səhnəni yarımçıq tərk etməsinə imkan vermir.

İfa zamanı Eduard uzaq xatirələrinə qərq olur və təxəyyülünün ən gizli guşələrinə baş vurur. İllərdir qorxduğu bu daxili aləmlə üzləşməsi ona vaxtilə sənətdən getməsinin gerçək səbəbini nəhayət anlamağa şərait yaradır.

Qısametrajlı dram janrında çəkilmiş «Muza» filmi 2020-ci ildə Rusiyada ekranlaşdırılıb. Ekran əsərinin quruluşçu rejissoru Pyotr Dranqa, baş rolun ifaçısı isə Yevgeni Mironovdur. Layihədə həmçinin Anastasiya Saltıkova, Oleq Zimin və Lüdmila Yaçmeneva yer alıb.