Axtalanmamış at

Var-dövlət içində yaşayan gecə klubu sahibi Fonteyn Kaled istədiyi hər şeyi əldə etməyə adət edib. O, sıravi ofisiant Toni ilə yaxınlaşmaq qərarına gəlir və tezliklə gənci öz sevgilisi edir. Beləliklə, gənc oğlan dəbdəbəli əyləncə məkanının meneceri vəzifəsinə yüksəlir.

Yeni mövqe və cəlbedici zahiri görünüş sayəsində Toni qadınların diqqət mərkəzinə çevrilir. Klubun xanım qonaqları onun bir baxışına belə etinasız qala bilmirlər və gənc menecer bu üstünlüyündən sərbəst şəkildə yararlanır. Lakin heç gözləmədiyi bir anda qəlbində əsl sevgi hissi oyananda onun vərdiş etdiyi həyat tərzi tamamilə dəyişir.

«The Stud» adlı britaniya istehsalı olan melodram filmi 1978-ci ildə rejissor Kventin Masters tərəfindən çəkilib. Ekran əsərində əsas rolları Joan Kollinz, Oliver Tobias, Syu Lloyd və Mark Börnst canlandırıblar.