Eynşteynin Tanrı Modeli

Əsrlər boyu ölümdən sonrakı həyat barədə suallara yalnız din cavab verməyə çalışsa da, artıq elm bu məsələyə fərqli tərəfdən yanaşır. «Einstein's God Model» filminin qəhrəmanı Brayden Teylor itirdiyi sevgilisini unutmaq istəmir və onunla yenidən əlaqə qurmağın yolunu axtarır.

Brayden məqsədinə çatmaq üçün bir fizikin və mediumun təcrübəsinə arxalanır. Hisslərinin arxasınca gedən qəhrəman başqa ölçülərə keçməyə, kvant fizikasının prinsiplərini aşmağa və təbiət qanunları ilə qarşılaşmağa cəhd edir.

ABŞ istehsalı olan bu elmi-fantastik dram və triller ekran işini 2016-cı ildə rejissor Filip T. Conson lentə alıb. Əsas obrazları Aaron Qrem, Kirbi O’Konnell, Kennet Hyuz və Bred Norman canlandırıblar.