Şaxta

Rusiya şimalının sərt iqlimli kiçik bir mədənçi qəsəbəsində yay fəsli demək olar ki, hiss olunmur. Yerli sakinlərin ən böyük arzusu buradan birdəfəlik uzaqlaşmaqdır. On yaşlı Sanya və dostları da bu ümumi istəkdən kənarda qalmır.

Balaca Sanya inadla ingilis dilini öyrənir və Birləşmiş Ştatlara qaçmaq planları qurur. Onun keçmiş şaxtaçı və xilasedici olan atası hazırda okeanın o tayında Kostya Kinq adı ilə peşəkar boksçu kimi çıxış edir. Uşaq atasının qayıdıb onu özü ilə Amerikaya aparacağını ümidlə gözləyir.

«Şaxta» dram filmi 2013-cü ildə Rusiyada çəkilib və rejissoru Nurbek Egendir. Ekran əsərinin əsas obrazlarını Vitaliy Kişşenko, Nikita Osadçiy, Sergey Şnurov və Viktoriya Romanenko canlandırıb.