Lea

Havr şəhərində böyüyən Lea universitetdə təhsil alır və daimi qayğıya ehtiyacı olan nənəsinə baxır. Gündəlik xərclərini ödəmək üçün o, gecə klubunda ofisiantlıq etməyə məcburdur. Gənc qızın ən böyük arzusu isə Parisə köçmək və politologiya sahəsi üzrə oxumaqdır.

Nüfuzlu Siyasi Tədqiqatlar İnstitutuna qəbul xəbəri gələndə Lea çətin seçim qarşısında qalır. Parisə getmək üçün nənəsini tək qoymalıdır. Qohumu üçün yaxşı bir qocalar evi tapan qız, xidmət haqqının olduqca baha olduğunu görür və tələb olunan məbləği qazanmaq məqsədilə striptiz rəqqasəsi olmağa qərar verir.

«Lea» dram filmi 2011-ci ildə Fransada lentə alınıb. Layihənin rejissoru Bruno Rollandır, baş rolları isə Enn Azule, Jinett Qarsen, Erik Elmosnino və Maqali Müksar canlandırıb.