Qaçış

Övladlarının müəmmalı ölümündən sonra amerikalı həkim Pol ağır sarsıntı keçirir və dərin kədərə qərq olur. Həyat yoldaşı Kim ailənin düşdüyü bu çıxılmaz vəziyyətdən qurtulmaq üçün Amerikadakı gündəlik qayğıları geridə qoymağı təklif edir. Beləliklə, cütlük Taylandda fəaliyyət göstərən tibbi missiyaya qoşularaq xaricə yola düşür.

Lakin onların kömək göstərmək cəhdləri insan alverçilərinin qəfil hücumu ilə alt-üst olur. Quldurlar yaralı başçılarını əməliyyat etdirmək üçün Polu qaçırırlar. Kim yad bir ölkədə tək qalaraq ərini axtarmağa başladığı vaxt, Pol təcrid olunmuş adadakı qəfəsə salınır. Onun kamera yoldaşı isə fidyə üçün girov götürülmüş Malkolm Endryus adlı bir ingilisdir. Günlərini söhbətlərlə keçirən dustaqlar inanc mövzusunda kəskin fərqlənirlər: Malkolm Allaha güvəndiyi halda, Pol artıq heç nəyə inanmır.

2012-ci ildə ABŞ-da istehsal olunmuş «Qaçış» trillerinin rejissoru Pol Emamidir. Əsas obrazları Si Tomas Hauell, Con Ris-Devis, Anora Vulf və Prinya İntaçay canlandırıblar.