Madres

Hadisələr XX əsrin yetmişinci illərində cərəyan edir. Hamiləliyinin son aylarını yaşayan Diana meksikalı əri ilə birlikdə Kaliforniyada mühacirlərin məskunlaşdığı qəsəbəyə köçür. Həyat yoldaşı kənd təsərrüfatı işləri ilə məşğul olaraq yerli mühitə tez uyğunlaşsa da, ispan dilini bilməyən qadın özünü tamamilə təcrid olunmuş hiss edir.

Günlərini təkbaşına keçirən Diana evdə əvvəlki sakinlərdən qalmış əşyalar aşkar edir. Çox keçmədən o, yeni yaşayış yerində baş verən qəribəlikləri müşahidə etməyə başlayır və evin təhlükəsizliyinə şübhə ilə yanaşır.

ABŞ istehsalı olan «Madres» qorxu və dram filmi 2021-ci ildə rejissor Rayan Saraqosa tərəfindən çəkilib. Ekran əsərində baş rolları Ariana Guerra, Tenoch Huerta, Elpidia Carrillo və Evelin Qonsales canlandırıblar.