Skin Walker

Gənc Recina çətin uşaqlıq illərini unutmaq və ailəsindən uzaqda təhlükəsiz həyat qurmaq üçün çox çalışır. Lakin anasının keçmiş məşuqu olan qonşunun qəfil gəlişi onun bütün planlarını alt-üst edir. Həmin şəxs Recinanın nənəsinin qətlə yetirildiyini xəbər verir. Üstəlik, cinayətdə hər kəsin çoxdan öldüyünü düşündüyü kiçik qardaşından şübhələnirlər.

Nə baş verdiyini anlamaq istəyən gənc qadın ilk növbədə psixiatriya xəstəxanasındakı anasına baş çəkir. Recina dəfn mərasimində iştirak etmək üçün doğulduğu şəhərə qayıtmalı olur və burada ailəsinin qaranlıq sirləri ilə üzləşir.

«Skin Walker» adlı dramatik triller rejissor Kristian Nyuman tərəfindən çəkilib. Belçika və Lüksemburqun birgə istehsalı olan film 2019-cu ildə işıq üzü görüb. Baş rolları Ember Anderson, Udo Kir, Cefferson Holl və Sofi Musel canlandırıblar.