Dirty Dancing

Ailəsi və bacısı ilə birlikdə istirahət mərkəzinə tətilə gələn Frensis adlı gənc qızın qarşısında tamamilə yeni bir mühit açılır. Hamının «Bebi» deyə çağırdığı bu gənc qız pansionatda qalan qadınların dərslərinə can atdığı peşəkar rəqqas Conni ilə tanış olur.

Axşam saatlarında otel işçilərinin təşkil etdiyi sərbəst və ritmik rəqslər qızın bütün diqqətini çəkir. Conniyə və bu ehtiraslı rəqslərə heyran olan Bebi çox keçmədən onun tələbəsi və rəqs tərəfdaşına çevrilir.

2017-ci il istehsalı olan ABŞ musiqili melodramı «Dirty Dancing» rejissor Ueyn Bler tərəfindən ekranlaşdırılıb. Filmin əsas rollarını Ebiqeyl Breslin, Kolt Pratts, Sara Haylend və Nikol Şerzinger canlandırıb.