Bite

Fırıldaqçı Nina və Yaz növbəti cinayət planları puç olduqdan sonra təqibdən qaçmağa məcbur qalırlar. Şəhər kənarında Berill adlı qonaqpərvər və zərərsiz görünən yaşlı bir qadınla qarşılaşan rəfiqələr onu asan qurban hesab edirlər. Qızlar yaşlı qadının evini soyub aradan çıxmağı düşünürlər.

Lakin Berillin evində psixi problemləri olan bir qohumunun da yaşadığı məlum olur. Qonaqlar tezliklə anlayırlar ki, qarşılarındakı qadın heç də düşündükləri kimi məsum biri deyil. Bu qəribə evdəki hər dəqiqə vəziyyəti daha da gərginləşdirir və hadisələr qanlı qarşıdurmaya çevrilir.

Böyük Britaniya istehsalı olan dram və dəhşət janrındakı «Bite» filmini 2022-ci ildə rejissor Ceyms Ouen çəkib. Baş rolları Şian Denovan, Nansi Nsue, Annabel Lanyon və Entoni Aylott canlandırırlar.