Hamlet/Horatio

Hadisələr Danimarka şahzadəsinin boş çəkiliş meydançasında ən yaxın dostunun qollarında son nəfəsini verməsi ilə başlayır. Hamletə verdiyi sözü tutaraq baş verənlərin əsl mahiyyətini dünyaya çatdırmaq istəyən Horatio rejissor kürsüsünə əyləşir və hadisələri addım-addım canlandırır.

Səhnədə qurulan hekayə ən başlanğıca qayıdır. Burada atasının qəfil itkisi və anası Qertrudanın əmisi Klavdi ilə tələsik evliliyi səbəbindən sarsıntı keçirən Hamletin kədəri əks olunur. Çox keçmədən mərhum padşahın ruhu peyda olaraq qətlin gizli tərəflərini açır və oğlundan intiqam almağı tələb edir.

ABŞ istehsalı olan «Hamlet/Horatio» dram filmi 2021-ci ildə rejissor Pol Uorner tərəfindən ekranlaşdırılıb. Ekran əsərinin əsas obrazlarını Endrü Bördett, Temo Melikidze, Anna Maria Cianciulli və Maykl Elian canlandırıblar.