Stream Me

Kanadanın yerli xalqlarından olan on altı yaşlı Adira Yeni Şotlandiyanın kənd bölgəsində yaşayır. O, yerli icma mərkəzində işləyərək yeniyetməlik dövrünə xas komplekslər və daxili tərəddüdlərlə mübarizə aparır. Günlərin birində qız videooyunlara böyük maraq və bacarığının olduğunu kəşf edir.

Adira internet məkanında tanınmış strimer Otum Rouds ilə tanışlıq qurur. Təcrübəli qadın gənc qıza bələdçilik etməyə başlayır və onu onlayn yayımlar dünyasına aparır. Aldığı dəstək sayəsində Adira şəxsi yayımlarına başlayaraq virtual aləmdə qısa zamanda uğur qazanmağa doğru addımlayır.

«Stream Me» adlı dram filmi rejissor Stefani Colin tərəfindən Kanadada lentə alınıb. 2021-ci il istehsalı olan ekran əsərində əsas rolları Kristin DiCozia, Makay Kleyton, Samanta Qloud və Selina Olders canlandırıb.