Andover

Genetik alim Adam Sloup sevimli həyat yoldaşı Dounun vəfatı ilə barışa bilmir. Dərin kədər içində olan alim elmi təcrübə aparmaq qərarına gəlir və qadının bioloji materiallarından istifadə edərək onun dəqiq genetik surətini yaradır.

Lakin laboratoriyada alınan klon zahirən oxşar olsa da, xaraktercə Adamın sevdiyi qadından xeyli fərqlənir. Əsl Dounu geri qaytarmaq istəyən alim hüceyrələri yenidən klonlaşdırmağa davam edir və bu prosesi dəfələrlə təkrarlayır.

ABŞ istehsalı olan «Andover» filmi fantastika, dram və komediya janrlarını birləşdirir və 2017-ci ildə ekranlara çıxıb. Ekran əsərinin rejissoru Skott Perlmandır, əsas rolları isə Conatan Silverman, Cennifer Finninqan, Riçard Kaynd və Ancela Kinsi canlandırıb.