Üç rəfiqə

Cessika, Laynett və Kendis adlı üç köhnə rəfiqə hər ay evdə şam yeməyinə yığışaraq vaxt keçirməyi ənənəyə çeviriblər. Növbəti görüş zamanı qızlardan birinin dediyi sözlər ab-havanı tamamilə dəyişir. O iddia edir ki, onların üçü birlikdə kamil qadın obrazını tamamlayır: Laynett ağıl, Kendis fərdilik və xarakter, özü isə gözəllik təcəssümüdür.

Bu cür düşüncəsiz bölgü digər iki rəfiqənin xətrinə dəyir və xoş axşam böyük mübahisəyə çevrilir. Nəticədə aralarındakı münasibət ciddi sınaqla üzləşir və hər kəs öz evinə dağılışır. Bundan sonra qızların hər biri öz baxışlarını yenidən nəzərdən keçirməli və dostluğu xilas etməyin yollarını axtarmalı olur.

«Üç rəfiqə» (Girls' Night In) filmi 2021-ci ildə ABŞ-da çəkilmiş komediya və dram janrındadır. Ekran əsərinin rejissoru Emmet Loverddir, əsas rolları isə Tiana Tuttle, Alexis Phillips, Samantha Skelton və Arielle Gottesman ifa ediblər.