Ved

Gənc Satya kriket idmanında böyük zirvələrə çatmağı və Hindistan milli yığmasında çıxış etməyi arzulayır. Məclislərin birində rastlaşdığı Nişa adlı qızla aralarında qısa zamanda romantik hisslər yaranır. Lakin Nişanın ailəsinin sərt müdaxiləsi və təzyiqləri gənclərin zorla bir-birindən uzaqlaşdırılması ilə nəticələnir.

Həm sevgilisindən ayrılan, həm də idman yolundakı ümidlərini itirən Satya ağır depressiyaya düşərək spirtli içkilərə qurşanır. Onun bu cür məhv olduğunu görən uşaqlıq qonşusu Şravani isə illərdir içində bəslədiyi hisslərin ardınca gedərək onunla evlənmək qərarı verir.

«Ved» melodram janrında çəkilmiş 2022-ci il Hindistan filmidir. Ekran əsərinin rejissoru olan Riteş Deşmukh, eyni zamanda Ceneliya D'Souza, Kuşi Hacare və Anjali Atre ilə birlikdə baş rolları canlandırıb.