Başdakı dəlik

Mariya Neapol yaxınlığında ömür sürür və artıq qırx yaşına çatmaq üzrədir. Onun nə sabit qazancı, nə şəxsi həyatı, nə də sabaha olan aydın bir ümidi var. Demək olar ki, danışa bilməyən anasına baxan qadın, polis işləmiş atasını heç vaxt görməyib, çünki o, hələ Mariya doğulmamışdan əvvəl qətlə yetirilib.

Bir gün Mariya atasının qatilinin azadlıqda olduğunu və Milanda məskunlaşdığını öyrənir. Qisas hissi onu qətiyyətli addım atmağa vadar edir. Əlinə tapança alan qadın cinayətkardan hesab sormaq üçün ölkənin şimalına doğru yola çıxır.

İtaliya istehsalı olan «Il buco in testa» dram filmi 2020-ci ildə Antonio Kapuano tərəfindən çəkilib. Əsas obrazları Tereza Saponancelo, Tommazo Ranyo, Françesko Di Leva və Vinçentso Modika canlandırıblar.