İtirilmiş Valentin

İkinci Dünya müharibəsi zamanı leytenant Nil Tomas hamilə həyat yoldaşı Kerolaynı arxada qoyaraq cəbhəyə yola düşür. Körpə doğulduqdan az sonra qadına ərinin itkin düşdüyü barədə kədərli xəbər çatır. Növbəti altmış beş il ərzində Kerolayn hər il Müqəddəs Valentin günündə həyat yoldaşı ilə son dəfə ayrıldığı məkana gəlməyə davam edir.

Televiziya müxbiri Syuzan Ellison bu qeyri-adi sədaqət haqqında eşidərək xüsusi süjet hazırlamaq qərarına gəlir. O, arxivləri və faktları araşdıraraq onilliklər əvvəl gənc zabitin başına nə gəldiyini aydınlaşdırmağa çalışır.

ABŞ istehsalı olan «The Lost Valentine» melodram filmi 2011-ci ildə rejissor Darnell Martin tərəfindən çəkilib. Ekran əsərində əsas rolları Cennifer Lav Hyuitt, Betti Uayt, Şon Feris və Billi Maqnussen canlandırıblar.