İflic

Melinda xəstə nənəsinin müalicə xərclərini ödəmək məqsədilə təhsilini yarımçıq qoyaraq işləməyə başlayır. Bir gün klinikanın çıxışında onu avtomobil vurur və sürücü hadisə yerindən qaçır. Ağır qəza nəticəsində gənc qızın ayaqları iflic olur və o, hərəkət qabiliyyətini həmişəlik itirir.

Ailəyə məlum olur ki, nənənin həyatda qalması üçün təcili və bahalı cərrahi əməliyyat lazımdır. Əlil arabasına məhkum olan Melinda yaxın dostları ilə birləşərək lazım olan vəsaiti toplamaq üçün müxtəlif yollar axtarır.

ABŞ istehsalı olan «Paralyzed» dram filmi 2021-ci ildə nümayiş olunub. Layihənin rejissoru Koul Ruybaliddir. Əsas rolları Ueyn Matiçuk, Eşlinn Haydman, Metyu Kişer və Cenni Revord canlandırıblar.