Dəri

Reyçel ekzotik rəqslərlə çıxış edərək diqqət mərkəzində olmağa vərdiş edib və özünə güvənən xarakteri ilə seçilir. Həkimlərin ona qəfil əzələ distrofiyası diaqnozu qoyması ilə qızın bütün planları alt-üst olur. Belə bir xəstəliklə üzləşmək onu gələcəyi barədə düşünməyə vadar edir.

Rəfiqəsi Liza çətin dövrdə ona dəstək olmaq məqsədilə Reyçeli komediya klubuna aparır. Əvvəlcə bu fikrə şübhə ilə yanaşsa da, oradakı ab-hava gənc qadına yeni bir qığılcım bəxş edir. O, tamaşaçı qarşısına yenidən, bu dəfə stendap komiki kimi çıxmaq qərarına gəlir.

2024-cü il istehsalı olan «Skin» adlı Kanada dramının rejissoru Filomena Quaraşidir. Əsas obrazları Xloya Van Landşut, Sara Fişer, Duqlas Naybek və Jizel Alkala Qarsiya canlandırıblar.