Dayı

Valideynlərini erkən yaşda itirən Kris Cənubi Yutlandiyadakı fermada dayısının himayəsində böyüyüb. Qohumunun keçirdiyi insultdan sonra o, baytar olmaq arzusundan əl çəkərək təsərrüfatı idarə etməyə və xəstə dayısına qulluq etməyə başlayıb. Onların səmimi münasibəti olsa da, gündəlik kənd həyatı əsasən səssizlik içində keçir.

Doğulan buzova kömək etdikdən sonra Krisin tibb sahəsinə olan köhnə marağı yenidən baş qaldırır. Ünsiyyətcil baytar Yohanneslə dostluq quran gənc qadın getdikcə fermadan kənarda daha çox vaxt keçirir. Burada Mayk ilə tanışlıq və aralarında yaranan hisslər Krisi çətin bir qərar qarşısında qoyur: dayısının yanında qalmaq, yoxsa sevgisinin ardınca böyük şəhərə getmək.

2019-cu ildə çəkilmiş Danimarka istehsalı «Onkel» dram filminin rejissoru Frelle Petersendir. Ekran əsərində baş rolu Yette Sönderqor canlandırıb, digər obrazları isə Peter Hansen Tygesen, Ole Caspersen və Tue Frisk Petersen oynayıb.