Üfüq

«Horizonti» filmi ayrılıq mərhələsini yaşayan iki keçmiş sevgilinin çətin hekayəsindən bəhs edir. Anna və Giorgi arasında ehtiraslar səngisə də, bir-birindən ayrı yeni həyata alışmaq prosesi olduqca uzun çəkir. Ən yaxın insanını itirməyin ağrısı Giorgiyə keçmişi unudub irəli getməyə imkan vermir.

Özünü cəmiyyətdən təcrid etmək qərarına gələn kişi kimsəsiz bir məkana üz tutur və burada özü kimi tənha insanların əhatəsinə düşür. Anna hər şeyin zamanla ötüb keçəcəyini gözləyir. Lakin bu uzun ayrılıq prosesinin sonluğu hər iki qəhrəman üçün gözlənilməz olur.

2018-ci il istehsalı olan bu dram filmi Gürcüstan və İsveç kinematoqrafçılarının birgə işidir. Rejissor Tinatin Kajrishvilinin lentə aldığı ekran əsərində baş rolları Giorgi Bochorishvili, Iamze Sukhitashvili, Jano Izoria və Ioseb Gogichaishvili canlandırıb.