Mika

On yaşlı uşaq yoxsul məhəllədə böyüyür və atasının xəstəliyinə görə ailəsi dolanmaqda çətinlik çəkir. Doğmalarına kömək etmək üçün o, ailə tanışının ardınca Kasablankaya yollanır. Böyük şəhərdə gənc qəhrəman zənginlərin üz tutduğu elit tennis klubunda xidmətçi işinə düzəlir.

Yeni mühitdə o, klub sahibinin oğluna dərs deyən keçmiş çempion Sofiya ilə rastlaşır. Məşqçi qadın uşaqda fitri tennis qabiliyyəti görür və bu istedadın onu yoxsulluqdan qurtaracağına inanaraq ona dəstək olur. Yeniyetmənin özü isə dənizin o tayına keçib tamam başqa bir həyata qovuşmaq xəyalı ilə yaşayır.

«Mika» filmi 2020-ci ildə Fransa və Mərakeş kinematoqrafçıları tərəfindən lentə alınıb. İdman dramının quruluşçu rejissoru İsmael Ferruhidir, əsas rolları isə Zəkəriyyə İnan və Sabrina Uazani canlandırıb.