Sonuncu ağac

Nigeriya əsilli britaniyalı yeniyetmə Femi Linkolnşirdə onu övladlığa götürən ailənin yanında böyüyür. Qayğıkeş mühitdə dostları ilə vaxt keçirən oğlanın uşaqlıq dövrü rahat və sevincli keçir. Lakin günlərin birində onun doğma anası qapıda peyda olur və oğlunu himayədar ailədən ayırır.

Qadın Femini Londonun ucqarında yerləşən kiçik mənzilinə aparır. Paytaxt mühiti gənc üçün tamamilə yad bir aləmə çevrilir. O, təkcə darısqal mənzildəki məişət çətinliklərinə deyil, həm də anasının riayət etdiyi və özünə yad olan mədəni ənənələrə uyğunlaşmağa məcbur qalır.

Böyük Britaniya istehsalı olan «The Last Tree» dram filmi 2019-cu ildə rejissor Şola Amu tərəfindən çəkilib. Ekran əsərində baş rolları Samuel Adevunmi, Nikolas Pinnok, Qnemisola İkumelo və Denis Blek canlandırıblar.