Su

İspaniyanın cənub-şərqində yerləşən kiçik bir kənddə qızmar yay günləri yaşanır və yaxınlaşan fırtına çayın yenidən daşması qorxusunu artırır. Sakinlər arasında gəzən qədim rəvayətə görə, bu çay daxilində su daşıyan qadınları öz ağuşuna alaraq daşqınlar zamanı izsiz-tozsuz yox edir. On yeddi yaşlı Ana anası və nənəsi ilə birlikdə batil inanclar ucbatından kəndlilərin şübhə ilə yanaşdığı bir evdə böyüyür.

Doğma mühitdən uzaqlaşmaq arzusunda olan gənc qız kəndə təzəcə qayıtmış Xose ilə yaxınlaşır. Başlanan münasibətlər və boğucu istilər fonunda Ana qorxulu əfsanə ilə özü arasında qəribə bir bağlılıq hiss etməyə başlayır.

«El agua» dram filminin rejissoru Elena Lopes Rieradır. İspaniya, Fransa və İsveçrənin 2022-ci il üzrə ortaq istehsalı olan bu ekran əsərində əsas rolları Luna Pamyas, Alberto Olmo, Nyeve de Medina və Barbara Lenni canlandırıblar.