Karma effekti

Beş illik həbs cəzasını başa vuran Raymond Cekson doğma şəhərinə qayıdır. Ətrafdakıların «Karma» ləqəbi ilə tanıdığı gənc burada dəhşətli xəbərlə üzləşir: zorakılığa məruz qalan kiçik bacısı öz həyatına qəsd edib. Qisas hissi ilə alışıb-yanan qardaş hadisənin günahkarını tapıb cəzalandırmaq qərarına gəlir.

Onun hədəfində yerli işbaz Menni də peyda olur. Raymond Menninin sevgilisini girov götürərək ondan pul tələb edir və hadisələr təhlükəli qarşıdurmalar zəncirinə çevrilir. Hər kəs etdiyi əməllərin nəticələri ilə üzləşməli olur.

«The Karma Effect» dram filmi 2020-ci ildə ABŞ-da istehsal olunub. Ekran əsərinin rejissoru Cimmi Daseynt həm də Tiona Braun, Keti Dens və Marki Cordanla yanaşı əsas rollardan birini canlandırıb.