Dəhliz

Radioda qeyri-adi və qorxulu bir virusun yayılması ilə bağlı həyəcanlı xəbərlər fasiləsiz səslənir. Məhz bu ərəfədə Vel həyat yoldaşı və səkkiz yaşlı qızı ilə birgə oteldə otaq götürür. Qadın ərinin ona qarşı getdikcə artan qəddarlığına görə ondan birdəfəlik ayrılmaq barədə düşünür.

Ailədəki gərgin münasibətlər fonunda qonaqların qaldığı binada vəziyyət qəfil nəzarətdən çıxır. Otel sakinləri bir-birinin ardınca həmin naməlum xəstəliyə yoluxmağa başlayırlar. Qapalı məkanda yayılan qəribə bəla qəhrəmanları çıxılmaz vəziyyətə salır.

Kanada istehsalı olan bu qorxu və dram filminin rejissoru Françesko Canninidir. Ekran əsəri 2020-ci ildə işıq üzü görüb. Əsas rollarda Culian Riçinqs, Karolina Bartçak, Vlasta Vrana və Ketlin Fi çəkiliblər.