Rişelyö

Ağır ayrılıqdan sonra Ariana doğma yerlərinə qayıtmaq qərarına gəlir. Həyatını yenidən qurmağa çalışan qadın mövsümi miqrant fəhlələr üçün tərcüməçi kimi işə düzəlir.

İş prosesində o, rəhbərliyin öz vəzifə səlahiyyətlərindən sui-istifadə etdiyinin canlı şahidi olur. Hüquqları pozulan işçilərin düşdüyü ağır vəziyyəti görən Ariana haqsızlığa göz yummaq istəmir və mövcud ədalətsizliyə qarşı mübarizəyə başlayır.

Kanada və Fransanın birgə istehsalı olan «Richelieu» dram filminin rejissoru Pyer-Filipp Şevinidir. 2024-cü ilin ekran əsərində baş rolları Arian Kastellanos, Mark-Andre Qronden, Nelson Koronado və Ev Düranso canlandırıblar.