Empty Spaces

Həyat yoldaşından ayrıldıqdan sonra Pol iki azyaşlı qızı ilə tək qalır. Gənc ata depressiya və alkoqol asılılığı ilə mübarizə apardığı üçün uşaqların qayğısına təkbaşına qalmaqda çətinlik çəkir. Gündəlik qayğıların öhdəsindən gələ bilməyən Pol, ona yardım etməsi üçün işsiz qardaşını evinə köçməyə dəvət edir.

Lakin ailə daxilindəki vəziyyət qaydasına düşmür. «Empty Spaces» dram filminin qəhrəmanı ailə məsələlərinə diqqət yetirmək əvəzinə, içki aludəçiliyinə davam edir və qəribə bir məqsədə bağlanır. O, jurnal masasının üstünü tam örtmək üçün yetərli sayda pivə qapağı toplamaq fikrinə qapılır.

2019-cu ildə ABŞ-da istehsal olunan filmin rejissoru Evan Snyderdir. Əsas rolları Evan Snyder özü, həmçinin Meyson Born, Tabita Johansson və Alan Snyder canlandırıblar.