Nənə Qye-çun

Atası vəfat edən, anası isə yenidən ailə qurub gedən balaca Hye-ci üçün yeganə doğma insan Qye-çun nənəsi olur. Onlar Çecu adasında bir yerdə yaşayır və bir-birilərinə dərindən bağlıdırlar. Lakin qələbəlik bazarda baş verən gözlənilməz hadisə hər şeyi alt-üst edir: nənə sevimli nəvəsini izdihamın içində itirir.

Aradan düz on iki il vaxt ötür. Artıq yeniyetmə olan Hye-ci dostları ilə birlikdə xırda cinayətlərlə məşğul olur və çətin bir həyat sürür. Növbəti qanunsuz əməldən sonra gizlənmək məcburiyyətində qalan gənc qız illər öncə itkin düşmüş və özü ilə eyni adı daşıyan bir uşağın axtarış elanını görür.

«Nənə Qye-çun» filmi 2016-cı ildə Cənubi Koreyada istehsal edilmiş dram janrında ekran əsəridir. Filmin rejissoru Çhandır. Baş rollarda Yun Yo-conq, Kim Qo-ın, Can Hyok-cin və Kim De-myon çəkiliblər.