Malak

İyirmi il əvvəl baş verən faciəli hadisə bir ailəni büsbütün darmadağın etdi. Atanın qumar borcları ucbatından balaca oğlu Malak öldürüldü və ailə üzvləri bir-birindən uzaqlaşdı. İllər sonra böyüyən Kazım atası ilə bütün əlaqələrini kəsdi, xırda cinayət yolunu seçdi və balaca bacısı Zəhranın qayğısına qalmağı öz üzərinə götürdü.

Qəddar bir dəstə Zəhranı oğurladıqda Kazımın həyatı yenidən təhlükə ilə üz-üzə qalır. O, bacısını xilas etmək üçün qaranlıq cinayət aləminin amansız qaydaları ilə qarşılaşmağa məcbur olur. Kazım qızın sağ qalması üçün təhlükəli addımlar atmaq məcburiyyətindədir.

2019-cu ildə Almaniyada istehsal olunan «Malak» dram filminin rejissorluğunu Timo Hinkelmann və Martin Darr həyata keçirib. Ekran əsərinin baş rollarında Veronique Aleiferopoulos, Lewis Lovely Asamoah, Daniel Chadalakian Kurz və Bunga Lopez çəkiliblər.