Son Səhifə

Uşaqlıq illərini qəyyum ailələrdə zorakılıq və təzyiq altında keçirmiş əkiz qardaşlar özləri kimi cəmiyyətdən kənarda qalan insanlara qoşulurlar. Əvvəlcə bu mühit onlara etibarlı bir sığınacaq kimi görünsə də, çox keçmədən yeni dostlarının təhlükəli bir cinayətkar dəstə olduğu üzə çıxır.

Həyatlarını xilas etmək istəyən qardaşlar qaçmağa məcbur qalır və Yuta ştatındakı sakit bir qəsəbəyə gəlib çıxırlar. Burada onlar uşaqlıqdan bəri məhrum olduqları sevgini, qayğını və mənəvi dayağı bəxş edən xeyirxah bir ailə ilə tanış olurlar.

ABŞ istehsalı olan «The Last Page» dram filmi rejissor Rob Daymond tərəfindən çəkilib və 2023-cü ildə təqdim olunub. Layihədə əsas obrazları Saşlia Haytauer, Adam Haytauer, Skarlett Daymond və Medison Bills canlandırıblar.