God Send

Eppl uşaqlıq illərindən bəri cəmiyyətdən təcrid olunmuş sərt dini icmanın daxilində böyüyüb. Burada ona daim qadının kişiyə tam tabe olması barədə fikirlər aşılanıb və hər bir addımı dini ehkamlarla çərçivələnib. Lakin yaşa dolduqca icma rəhbərinin dözülməz təzyiqləri gənc qızı bu qaydalara qarşı çıxmağa vadar edir.

Müttəfiq tapdığı digər bir yeniyetmə ilə birlikdə Eppl illərlə yaşadığı qapalı mühitdən qaçmaq qərarına gəlir. Onlar keçmişin basqılarından yaxa qurtarmaq, illər boyu beyinlərinə yeridilən məhdudiyyətləri arxada qoyaraq sərbəst bir həyata başlamaq üçün mübarizə aparırlar.

ABŞ istehsalı olan «God Send» dram filmi 2017-ci ildə nümayiş olunub. Ekran əsərinin rejissoru Livay Holimendir, əsas rolları isə Elissa Şey, Dryu Harvud, Lloyd Kalberson və kiçik Ralf Koul ifa ediblər.