American Bully

Şəhərətrafı qəsəbədə yaşayan qarışıq irqli ailədə aqressiya adi hala çevrilib. Ata iş yerindəki həmkarlarını incidib alçaldır, yeniyetmə oğlu isə məktəbdə yaşıdlarına qarşı eyni cür amansız davranır. Xərçəng xəstəliyindən əziyyət çəkən ana bu cür qəddarlığın acı nəticələrə gətirib çıxaracağını başa salmağa çalışsa da, ona heç kim qulaq asmır.

Qadının xəstəlikdən vəfatından sonra ailənin vəziyyəti daha da pisləşir. İşini itirən ata maddi çətinliklərlə üzləşir və oğlu ilə birlikdə şəhərin təhlükəli, yoxsul məhəlləsinə köçmək məcburiyyətində qalır. Yeni mühitdə rollar dərhal dəyişir: vaxtilə başqalarını təqib edən ata və oğul bu dəfə yerli sakinlərin qəddarlığına tuş gələrək qurbana çevrilirlər.

American Bully filmi 2018-ci ildə ABŞ-da dram janrında lentə alınıb. Layihənin rejissoru Jermaine Quick-dir. Baş rolları Rome Clanton, Trina King, Jamir Smith və Que Terrell canlandırıb.